Familia bakoitza ezberdina eta bakarra da. Familia da erreferentziazko talderik esanguratsuena pertsonentzat, baita desgaitasuna edo aniztasun funtzionala duten pertsonentzat ere.
Amesten elkartean entzute aktiboa egiten dugu, familia bakoitzaren eta familia osatzen duten kideen beharrak ezagutu eta konponbideak eskaintzeko.
ZER ESKAINTZEN DUGU:
- Desgaitasuna duten senideentzako aisialdiko eta parte-hartze komunitarioko aukerei buruzko informazioa eta orientazioa.
- Desgaitasuna duten senideentzako banakako inklusio-planei buruzko aholkularitza.
- Etengabeko komunikazioa, desgaitasuna duen senidearekin esku-hartzean egindako aurrerapenen eta ezarritako helburuen berri emateko.
- Profesionalen, familiaren eta desgaitasuna duen pertsonaren arteko elkarlana.
- Desgaitasuna duen senideari esku hartzen edo arreta ematen dioten beste pertsona edo profesional batzuei informazioa, orientazioa eta aholkularitza ematen diegu.
- Gizarte-baliabideen sarea eta asoziazionismoa sustatzen ditugu, presio- eta talde-mugimendu gisa.
Gustatuko litzaizuke jakitea zer baliabide, erakunde, elkarte edo taldek eskaini ditzaketen zure seme-alabaren edo senidearen intereseko jarduerak?
Gustatuko litzaizuke zure seme-alabak edo senideak komunitatean modu inklusiboan parte hartzea?
Gustatuko litzaizuke zure seme-alabak edo senideak lagun berriak sortzea?
Gustatuko litzaizuke aisialdi inklusiboari eta horren onurei buruz gehiago jakitea?
Gustatuko litzaizuke zure seme-alabak edo senideak autonomoagoak eta independenteagoak izateko trebetasunak eskuratzea?