Gizarteratze-zerbitzuen helburua aniztasun funtzionala duten pertsonek udalerrian eskaintzen diren aisialdiko eta komunitateko jardueretan parte hartzea da. Zerbitzu honen bidez, udal bakoitzak aniztasun funtzionala duten pertsonak eskubide osoen subjektu izan daitezen eta edozein adina dutela udal-eskaintzaz baldintza berdinetan gozatu ahal izan dezaten beharrezko baliabideak eskaini ahal izateko lan egiten dugu.
Gaur egun bi zerbitzu ditugu Gazteriaren arloan:
GETXOKO GIZARTERATZE ZERBITZUA
Gizarteratze Zerbitzuaren helburu nagusia aniztasun funtzionala (desgaitasuna) eta aldizkako laguntza mugatua duten gazteek Getxoko Udaleko Gazteria Arloko jardueren eskaintzan parte har dezaten sustatzea eta erraztea da. Jarduera hauek edozein gazteri irekita daude aisialdian, kulturan, kirolean, prestakuntzan eta boluntariotzan.
Zerbitzuak pertsona guztiak komunitatearen bizitzan integra daitezen sustatu nahi du, balio, eskubide eta askatasunen garapenean jarduerak eginez, bakoitzak gizartean duen rol aktiboa azpimarratuz. Horrela, aniztasun funtzionala duten pertsonak ere sar daitezkeen baliabideei buruzko informazioa eskuragarri jartzen da.
Laguntzak, batez ere, Algortako Gaztelekuko, Erromoko Gaztelekuko eta Getxo Gazteko jardueretan kudeatzen dira.
BARAKALDOKO AISIALDI INKLUSIBORAKO LAGUNTZA-PROGRAMA
Barakaldoko Gazteria Sailak eskaintzen dituen jardueretan aniztasun funtzionala duten gazteei laguntzea da helburu nagusia, pertsona guztiek jarduera komunitarioetan parte har dezaten sustatuz.
Horretarako, banakako elkarrizketak egiten ditugu. Elkarrizketa horietan, pertsona bakoitzaren interesei buruz hitz egiten dugu, eta laguntza-beharrak behatzen ditugu, ondoren jardueretan laguntzeko. Gainera, hainbat profesionalekin jarraipena egiten dugu eta ekintzak koordinatzen ditugu, parte-hartzaile bakoitzarekin lan egokia egiteko.
Laguntzak, nagusiki, Giltzarri eta Barakaldoko Gazte Bulegoa plataformen jardueretan kudeatzen dira.
